अमेरिकी बेरोजगारी दर अप्रिलमा ३.९ प्रतिशत पुग्यो

अमेरिकी रोजगारदाताहरूले अप्रिलमा अपेक्षा गरेभन्दा कम १ लाख ७५ हजार जागिर थपेका छन्। बेरोजगारी दर फेरि ३.९ प्रतिशतमा पुगेको छ।

अमेरिकी श्रम विभागले यसबारेमा जानकारी गराएको हो। विभागको श्रम तथ्यांक ब्यूरोअनुसार स्वास्थ्य सेवा, सामाजिक सहायता र यातायात र भण्डारणमा रोजगारी प्राप्त भएको छ।

कुल गैर–फार्म पेरोल रोजगारी अप्रिलमा १ लाख ७५ हजारले बढेको छ। जुन अघिल्लो १२ महिनामा २ लाख ४२ हजारको औसत मासिक लाभ भन्दा कम छ।

फेब्रुअरीमा, बेरोजगारी दर बढेर ३.९ प्रतिशत पुगेको छ। जुन दुई वर्षको उच्चतम स्तर हो। मार्चमा ३.८ प्रतिशत थियो।

ब्यूरोले अगस्ट २०२३ देखि बेरोजगारी दर ३.७ प्रतिशतदेखि ३.९ प्रतिशतको साँघुरो दायरामा रहेको उल्लेख गरेको छ।