युक्रेनमा रुसी आक्रमणको दुई वर्ष : अमेरिकाले रुसमाथि लगायो ५ सय नयाँ प्रतिबन्ध

-


     नेपालय न्युज    
     फागुन १२ गते २०८०


वासिङ्टन । युक्रेनमा जारी आक्रमण र रुसी विपक्षी नेता एलेक्से नाभाल्नीको मृत्युलाई लिएर अमेरिकाले रुसमाथि ५०० नयाँ प्रतिबन्ध लगाउने घोषणा गरेको छ । युक्रेनमा रूसी आक्रमणको दुई वर्ष पूरा भएको अवसरमा घोषणा गरिएका यी प्रतिबन्धहरूमा रूसको प्रमुख कार्ड भुक्तानी प्रणाली, आर्थिक र सैन्य संस्थाहरू र नाभाल्नीको आर्कटिक सर्कल जेलका अधिकारीहरू पनि समावेश छन्।

अर्कोतर्फ युरोपेली संघले पनि सैन्य प्रविधिमा नयाँ प्रतिबन्ध लगाउने घोषणा गरेको छ । बिहीबार अमेरिकी राष्ट्रपति जो बाइडेनले नाभाल्नीकी श्रीमती र छोरीलाई सान फ्रान्सिस्कोमा भेटेका थिए। उनले नाभाल्नीको मृत्युको लागि रुसी राष्ट्रपतिलाई दोष दिनुमा कुनै शंका नभएको बताए।

अमेरिकाको यी नयाँ प्रतिबन्धहरूमा लगभग १०० फर्म र व्यक्तिहरू समावेश छन् जसले निर्यातमा प्रतिबन्धको सामना गर्नुपर्नेछ। एजेन्सी

WP2Social Auto Publish Powered By : XYZScripts.com