‘चित्रा’ को फस्टलुक पोस्टर सार्वजनिक

-


     नेपालय न्युज    
     मंसिर १२ गते २०८०


घनश्याम लामिछाने निर्देशित फिल्म ‘चित्रा’को फस्टलुक पोस्टर सार्वजनिक भएको छ। निर्माण टिमले छुट्टाछुट्टै तीन पोस्टर सार्वजनिक गरेको छ।

सार्वजनिक भएका तीन पोस्टर मध्ये एकमा डेब्यू अभिनेता सन्तोष अधिकारीसहित फिल्मका मुख्य अभिनेताद्धय अर्पण थापा र प्रमोद अग्रहरिलाई ‘इन्टेन्स लुकमा’ देखाइएको छ । यस्तै, फिल्मको दोश्रो पोष्टरमा फिल्मका मुख्य तीन अभिनेत्रीहरु शुभेक्षा खड्का, मेनुका प्रधान र अन्जना बराईलीसँगै अभिनेताहरु अर्पण, प्रमोद र सन्तोषलाई देख्न सकिन्छ ।

पोस्टरमा शुभेक्षा र अन्जना मुस्कुराइरहेका छन् भने सन्तोष, अर्पण, प्रमोद र मेनुका गम्भीर भावमा छन् ।

यस्तै तेश्रो पोस्टरमा मुख्य अभिनेता सन्तोषले फिल्ममा छोरी बनेकी बाल कलाकार आयुशीलाई पिठ्यूमा बोकेका छन् भने अभिनेत्री सिम्रन खड्का मुस्कुराइरहेको देख्न सकिन्छ ।
बाबुछोरीको कथा प्रस्तुत गरिएको पारिवारिक फिल्मका यी पोस्टरले फिल्मका अभिनेत्री मध्ये ‘चित्रा’ आखिर को हुन् त ? भन्ने कौतुहलता उत्पन्न गराउँछ ।

ग्रे र कलरफुल थिममा तयार पारिएका यी पोस्टरले सम्बन्ध र तीनका आयातनको कथा दर्शकलाई पस्किने सहज अनुमान गर्न सकिन्छ ।

‘चित्रा’मा सन्तोष, मेनुका, शुभेच्छा, अर्पण, प्रमोद, प्रकाश, अन्जना, सिम्रन, आयुशी ढकाल, विनोद पौडेल, कपिल शर्मा, कुमार गुरुङ, उज्वल ढकाल, दिपेश गजुरेल लगायतका कलाकारको अभिनय छ ।

निर्देशक घनश्यामले फिल्म ‘पञ्चेबाँजा’ बनाएपछि प्रशंसा बटुलेका थिए । यसैले, ‘चित्रा’ उनका लागि चुनौतीपूर्ण छ ।

पोस्टरमा फिल्मका मुख्य कलाकारले स्थान लिएका छन्। पुस २७ गतेबाट रिलिज हुने फिल्मले बाबुछोरीको कथावस्तुलाई समेटेको छ।

‘चित्रा’मा सन्तोष अधिकारी, अर्पण थापा, शुभेक्षा खड्का, मेनुका प्रधान, अन्जना बराइली र प्रमोद अग्रहरि लगायतको अभिनय छ।

यसअघि निर्देशक घनश्यामले फिल्म ‘पञ्चेबाजा’ बनाएका थिए।

‘चित्रा’का निर्माता आशिष थापा मगर हुन् भने सन्तोष आफैँ कार्यकारी निर्मातामा रहेका छन्। अजय अधिकारीको कथा र मनिष गौतमको पटकथा रहेको यस फिल्ममा महेश पौडेलको छायाङ्कन रहेको छ।

WP2Social Auto Publish Powered By : XYZScripts.com