भारत र चीनका नागरिकलाई मलेसिया जान भिसा नचाहिने

-


     नेपालय न्युज    
     मंसिर ११ गते २०८०


नयाँ दिल्ली । मलेसियाका प्रधानमन्त्री अनवर इब्राहिमले भारतीय नागरिकहरू डिसेम्बर १ देखि बिना भिसा मलेसिया आउन र ३० दिनसम्म बस्न सक्ने घोषणा गरेका छन् । आइतबार पीपल्स जस्टिस पार्टीको सम्मेलनलाई सम्बोधन गर्दै अनवरले यस्तो घोषणा गरेका हुन् ।

मलेसियाका प्रधानमन्त्रीले भारतीयका लागि भिसामुक्त प्रवेश सुविधा कहिलेसम्म कायम रहने बताएनन् । भारतसँगै अनवरले चिनियाँ नागरिकलाई पनि भिसा फ्री प्रवेश सुविधा दिने घोषणा गरेका छन् । चीन र भारत मलेसियाका चौथो र पाँचौँ ठुला व्यापारिक साझेदार हुन् ।

मलेसिया सरकारको तथ्यांकअनुसार यस वर्षको जनवरीदेखि जुनसम्ममा भारतबाट २ लाख ८३ हजार ८ सय ८५ पर्यटक आएका थिए । सन् २०१९ को सोही अवधिमा भारतबाट ३ लाख ५४ हजार ४८६ पर्यटक मलेसिया आएका थिए । थाइल्याण्ड र श्रीलङ्काले पनि पर्यटन प्रवर्द्धनका लागि भारतीयहरूलाई भिसा फ्री प्रवेश सुविधा उपलब्ध गराएको छ । एजेन्सी

WP2Social Auto Publish Powered By : XYZScripts.com