इजरायल पुगे अमेरिकी विदेशमन्त्री

तेल अभिभ । इजरायल भ्रमणमा रहेका अमेरिकी विदेशमन्त्री एन्टोनी ब्लिन्केनले इजरायलका प्रधानमन्त्री बेन्जामिन नेतान्याहुसँग पत्रकार सम्मेलन गर्दै इजरायललाई सहयोग गर्न अमेरिका सधैँ उपस्थित रहने बताएका छन् ।

ब्लिन्केनले आफू एक ‘अविश्वसनीय रूपमा कठिन’ समयमा इजरायल आएको बताए। मारिएका परिवारका तस्बिरहरू हेर्न आफूलाई गाह्रो भएको उनले जिकिर गरे । ‘बालबालिका मारिए, शव टुक्रा-टुक्रा पारियो, युवाहरूलाई जिउँदै जलाइयो, महिला बलात्कृत भए, परिवारका सदस्यलाई बालबालिकाको अगाडि र बालबालिकालाई परिवारका सदस्यहरूकै अगाडि मारियो,’ उनले भने ।

ब्लिन्केनले इजरायली नागरिकहरूको साहसको बारेमा पनि टिप्पणी गरे। उनले भने, ‘मैले इजरायललाई यो सन्देश ल्याएको छु कि तपाईँ आफ्नो रक्षा गर्न धेरै बलियो हुनुहुनेछ तर जबसम्म अमेरिका छ, तपाईंले त्यसो गर्नुपर्दैन।’

ब्लिन्केनले भने, ‘शान्ति र न्याय चाहने जो कोहीले हमासको आतङ्ककारी शासनको निन्दा गर्नुपर्छ। हमासको एजेन्डा इजरायललाई ध्वस्त पार्नु र यहूदीहरूलाई मार्नु हो।’

यद्यपि, उनले प्रत्येक राष्ट्रियताका नागरिकले हानिबाट बचाउन सावधानी अपनाउन चेतावनी दिए। उनले हमासको आक्रमणमा २५ अमेरिकी नागरिकको मृत्यु भएको पुष्टि गरेका छन् । एजेन्सी