पहिलो पटक अमेरिकन नौ सेनाको नेतृत्व महिलाको काँधमा

वासिङ्टन । अमेरिकाको इतिहासमा पहिलो पटक एक महिला शीर्ष नौसेना अधिकृत बनेकी छन् । अमेरिकी राष्ट्रपति जो बाइडेनले यो पदका लागि एडमिरल लिसा फ्रानचेट्टीलाई चयन गरेका हुन् । सीएनएनको रिपोर्टका अनुसार लिसा फ्रानचेट्टी अमेरिकी नौ सेनाको इतिहासमा यो पद सम्हाल्ने पहिलो महिला हुनेछन् र यसका साथै उनी संयुक्त चिफ अफ स्टाफमा पनि पहिलो महिला हुनेछिन्।

फ्रैंचेटी १९८५ मा कमिसन भएकी थिइन । उनी हाल नौसेना अपरेसनका उपप्रमुखको रूपमा कार्यरत छिन् । फ्रानचेट्टीको जीवनीका अनुसार, उनले अमेरिकी नौसेना सेना कोरियाको कमान्डर, युद्धको विकासका लागि नौसेना अपरेसनका उपप्रमुख र संयुक्त स्टाफको रणनीति, योजना र नीति निर्देशकको रूपमा काम गरिसकेकी छिन्। उनले दुई क्यारियर स्ट्राइक समूहलाई पनि कमान्ड गरेकी छिन् र सेप्टेम्बर २०२२ मा सहायक सीएनओ बनिन्।

बाइडेनले युएस फ्लीट फोर्सेस कमाण्डका डेपुटी कमान्डर भाइस एडमिरल जेम्स किल्बीलाई सीएनओको अर्को उपाध्यक्ष र युएस प्यासिफिक फ्लीटका कमान्डर एडमिरल सामुएल पापारोआलाई प्रशान्त क्षेत्रमा अमेरिकी सेनाको नेतृत्व गर्न इन्डो–प्यासिफिक कमाण्डको कमान्डरको रूपमा मनोनीत गर्नेसमेत जानकारी दिएका छन् । एजेन्सी