प्रचण्डलाई प्रधानमन्त्री पदबाट विस्थापित गर्न केपी ओलीले आक्रामक तयारी गर्नुभएपछि एकीकृत समाजवादीका अध्यक्ष माधवकुमार नेपालले पनि आफैं प्रधानमन्त्री बन्न पाउनुपर्ने सङ्केत दिनुभएको छ । उक्त पार्टीलाई एमालेमा विलय गराउने, विलय गराउन नसकेको अवस्थामा दसमध्ये कम्तिमा पाँच सांसदलाई एमालेमा भित्र्याउने योजना केपीले बनाउनुभएको बुझिन्छ ।
केपी सकेसम्म माधवलाई एमालेमा फर्काउन इच्छुक हुनुहुन्न, माधवले आफै प्रधानमन्त्री या एमालेको अध्यक्ष बन्न पाएको अवस्थामा मात्र एकीकरण हुनसक्ने सन्देश पठाइदिएपछि ओली झस्किनुभएको छ । त्यसपछि ओलीले माधवका बढी भन्दा बढी सांसदलाई एमालेमा फर्काउने योजनाका साथ गृहकार्य गरिरहनुभएको छ ।
उता एकीकृत समाजवादीका केही सांसदहरू माधव नेपालसँग नराम्रोसँग बिच्किएका छन् । प्रेम आले, धनबहादुर बुढा र किसान श्रेष्ठ लगायतका ब्यक्तिहरू माधव नेपालको निर्णय जे हुन्छ त्यसका विरूद्ध उभिने मानसिकतामा देखिएका छन् । माधव यही गठबन्धनमा रहे प्रेम आलेहरू एमालेमा फर्कने र माधव नेपाल एमालेमा फर्किए उनीहरू वर्तमान गठबन्धनको पक्षमा रहने बुझिएको छ ।
त्यसैले जसपालाई नयाँ सत्ता गठबन्धनमा सामेल गराएर माधव पक्षका कम्तिमा पाँच सांसदलाई समेट्ने योजना केपीको प्राथमिकतामा परेको बुझिन्छ । माधवलाई अध्यक्ष या प्रधानमन्त्री दिन केपी तयार हुने सम्भावना अहिलेसम्म देखिएको छैन । तर माधव नेपाल आफूले दुईमध्ये एक (संसदीय दलको नेता या पार्टी अध्यक्ष) पद नपाएसम्म केपीसँग नमिल्ने अडानमा रहेको निकटवर्तिहरूले बताएका छन् ।
घटना र विचारबाट
पोखरा भदौ २८। २०११ सालमा स्थापना भएको पोखरा उद्योग वाणिज्य संघको ३५ औं अधिवेशन आजदेखि सुरु हुँदैछ । पोखरा उद्योग वाणिज्य संघको हलमा बिहान साढे… 
पोखरा २८ भदौ । पूर्वसांसद डाक्टर ढाकाकुमार श्रेष्ठ पोखरामा पक्राउ परेका छन् । पूर्वसांसद श्रेष्ठ लागू औषध बिक्री गरेको आरोपमा पोखरामा पक्राउ परेको जिल्ला प्रहरी… 
पोखरा २६ भदौ । देशमा संघीयता लागू भएको ८ वर्षको अवधिमा गण्डकी प्रदेश सभामा पहिलो पटक नेकपा माओवादी केन्द्र प्रमुख प्रतिपक्ष छ । हिजो बसेको… 
पोखरा, २६ भदौ । साढे दुई महिनापछि गण्डकी प्रदेश सभाको बैठक बस्दा पनि सरकारले कुनै बिजनेस दिन नसकेको भन्दै प्रतिपक्ष दलले ‘सरकार नै बरोजगार’ भएको… 
