टेक्सस आप्रवासी मृत्यु प्रकरणः चालक ट्रकको एयर कन्डिसनरले काम गर्न छाडेकाबारे जानकार थिएनन्

अमेरिकाको टेक्सस राज्यको स्यान एन्टोनियोमा जुन २७ मा सडक किनारामा बेवारिसे अवस्थामा भेला परेको ट्रकबाट ५३ शव बरामद भएको थियो । अधिकारीका अनुसार ट्रकमा उच्च तापक्रमका कारण हिटस्ट्रोकबाट उनीहरुको मृत्यु भएको हो । ​पीडितहरुमध्ये २७ मेक्सिकन नागरिक, १४ होण्डुरसका नागरिक, दुई अल सल्भाडोर र ७ ग्वाटेमालाका थिए ।

वर्षेनी विपन्न दक्षिण अमेरिकी राज्यबाट लाखौं मानिस अनधिकृत रुपमा समृद्ध अमेरिका पस्ने प्रयास गर्छन् । घटनासँग सम्बन्धित दस्तावेज संकलन गरिएको संघीय अदालतका अनुसार ट्रकका चालक होमेरो जमोरानोलाई उनको ट्रकको एयर कण्डिशनरले काम गरेको वा नगरेको ध्यान नदिई गाडी चलाइरहेका थिए ।

प्रहरीले जमोरानो ट्रककै छेउको झाडीमा लुकिरहेको अवस्थामा फेला पारेको थियो । अमेरिकी सिमानामा रहेको चेकपोइन्टबाट अघि बढ्दाको भिडियोमा उनले ट्रक चलाइरहेको पहिचान भएपछि उनको झुट पर्दाफास भएको थियो ।

ट्रकमा लगभग बेहोशी अवस्थामा भेटिएका कयौं मानिस तथा बच्चाका अझै अस्पतालमा उपचार भइरहेको छ । अदालतमा प्राप्त दस्तावेजका अनुसार चालकलाई ट्रकको एयर कण्डिशनरले काम गर्न बन्द गरेको जानकारी थिएन । यही भूलको कारण यत्रो हताहती भयो ।

प्रहरीले ४५ वर्षे जमोरानोसँगै २८ वर्षिया क्रिश्चियन मार्टिनेज घटनाको लागि प्रमुख जिम्मेदार मानेर पक्राउ गरेको छ । यदी उनीहरु दोषी पाईमा मृत्यु दण्डसम्म पाउन सक्नेछन् ।
घटनास्थलबाट हातहतियार बाकेको र अनधिकृत रुपमा अमेरिका प्रवेश गरेको आरोपमा अन्य दुई मेक्सिन नागरिक हुँवा क्लाउडियो डी’लुना–मेन्डेज र फ्रान्सिस्को डी’लुना बिलबाओ पनि पक्राउ परेका छन् । एजेन्सी