स्थानीय तह सदस्य निर्वाचन–२०७९ अन्तर्गत कास्कीको मादी गाउँपालिकाको अध्यक्षमा सत्ता गठबन्धनबाट नेपाली कांग्रेसका उम्मेदवार देवीजङ्ग गुरुङ विजयी भएका छन्।
वैशाख ३० गते सम्पन्न निर्वाचनको आज सार्वजनिक गरिएको अन्तिम मत परिणामअनुसार उपाध्यक्षमा भने नेकपा (एमाले) का कल्पना गुरुङ निर्वाचित भए।
अध्यक्षमा विजयी कांग्रेसका गुरुङले छ हजार ५८४ र उनका प्रतिस्पर्धी एमालेका शिवबहादुर गुरुङले पाँच हजार ७५० मत प्राप्त गरेका निर्वाचन अधिकृत दुर्गाप्रसाद भट्टराईले जानकारी दिए। यसैगरी उपाध्यक्षमा नेकपा(एमाले) का कल्पनाले पाँच हजार ८२८ मत प्राप्त गरी विजयी हुँदा गठबन्धनका साझा उम्मेदवार नेकपा(माओवादी केन्द्र) का लालबहादुर गुरुङले पाँच हजार ६१६ मत प्राप्त गरेका छन्।
मादीका १२ वडाहरुमध्येमा कांग्रेसले छ, एमालेले चार र माओवादीले दुई वडा जितेको छ। कांग्रेसले वडा नं १, २, ३, ५, १० र ११, एमालेले वडा नं ४, ६, ८ र ९ तथा माओवादीले वडा नं ७ र वडा नं १२ जितेको छ।
कास्कीका पाँच स्थानीय तहहरुमध्येमा अहिलेसम्म मादीसहित, रुपा, अन्नपूर्ण र माछापुच्छेको अन्तिम परिणाम सार्वजनिक भएको छ। रुपा र अन्नपूर्णमा एमाले तथा माछापुच्छेमा कांग्रेसले अध्यक्ष, उपाध्यक्षसहित बहुमत वडामा जित हासिल गरेका छन् । पोखरा महानगरको भने गणना जारी छ। रासस
नेपाली कांग्रेसका नेता डा. शेखर कोइरालाले पार्टीको १४औँ महाधिवेशनमा परिवारका अन्य सदस्यहरुले सहयोग गरेको भए अहिलेको परिणाम नआउने बताएका छन्। नेपाली कांग्रेसको केन्द्रीय कार्यालय बीपी… 
काठमाडौं । सङ्घीय संसद्मा दर्ता भएको विद्यालय शिक्षासम्बन्धी विधेयकका केही प्रावधानमा असन्तुष्टि जनाउँदै नेपाल शिक्षक महासङ्घले आजदेखि काठमाडौंको माइतीघर मण्डलामा धर्ना शुरु गरेको छ ।… 
मानिस हराएको सूचना !!! पोखरा ४ बुद्व विशाल बजार वस्ने वर्ष २६ को मानसिक अवस्था कमजोर भएको बिपेन गुरूङ नाम गरेको ब्यक्ती २०८०/०५/३० गते शनिवार… 
काठमाडौं । सन्तोष अधिकारी फिल्मस्को व्यानर तथा अस्याप इन्टरटेनमेन्ट नेपाल र अस्ट्रेलियाको निर्माणमा नेपाली फिल्म ‘चित्रा’को छायाँकन शुक्रबारदेखि पोखराबाट शुरू भएको छ। निर्देशक घनश्याम लामिछानेको… 
