रोशनको ´लाहुर जाने मायालु`सार्वजनिक (भिडियोसहित)

गायक रोशन थापामगरको पहिलो गीत ´लाहुर जाने मायालु सार्वजनिक भएको छ । गायक थापा मगरकै शब्द र संगीत रहेको गीतको म्युजिक भिडियो पोखरामा बुधबार विमोचन गरिएको हो । युट्युब च्यानल ´दु:ख बिसाउने चौतारीमा उक्त गीत हेर्न सकिन्छ ।

गीतमा देउराली ब्यान्डका तेज केसीले संगीत संयोजन गरेका छन् । लाहुरेको पीडा समेटिएको गीतको भिडियोलाई सनबहादुर गुरुङ र हेलेन्द्र मल्ल ठकुरीले निर्देशन गरेका हुन् । गीतमा गायक थापामगर र कल्पना राना मुख्य भूमिकामा देखिएका छन् । सबैको मेहनेतले गीत तथा भिडियो राम्रो बनेको विमोचन कार्यक्रमका प्रमुख अतिथि ज्ञानबहादुर थापाले बताए ।

भिडियोलाई अनिल शाही ठकुरी र भिमराज तिमिल्सिनाले छायांकन तथा सम्पादन गरेका हुन् । हेलेन्द्र मल्ल ठकुरी, राजु सुनार, मीना सुनार, विशाल थापा, देव गुरुङ, सविना थापा, जीवन शर्मा, सरिता राना, दुर्गाराज गुरुङ र विष्णु गुरुङ लगायतका कलाकारको अभिनय पनि भिडियोमा देख्न सकिन्छ । गायक थापामगरलाई गायिका प्राप्ती तुलाचनले कोरसमा साथ दिएकी छिन् ।