मंसिर ९, सोल (दक्षिण कोरिया) । दक्षिण कोरियाको विद्युतीय सामग्री निर्माता कम्पनी सामसङले अमेरिकाको टेक्सासमा सेमिकन्डक्टर उत्पादन कारखाना खोल्ने भएको छ ।
स्मार्टफोन लगायतका डिभाइसहरुमा प्रयोग हुने सेमिकन्डक्टरको विश्वव्यापी अभावलाई कम गर्नका लागि कम्पनीले १७ अर्ब डलरको लगानीमा कारखाना खोल्न लागेको हो ।
कम्पनीले त्यहाँ स्थापना गर्न लागेको कारखानामा अहिलेसम्मकै सबैभन्दा ठूलो लगानी हुनेछ । आगामी मंगलवारदेखि औपचारिक रुपमा टेक्सासमा चिप्स उत्पादन कारखाना स्थापना हुने घोषणा गर्दै कम्पनीले यसबाट प्रत्यक्ष रुपमा २ हजार जना उच्च प्राविधिक जनशक्तिलाई रोजगारी प्राप्त हुने बताएको छ ।
साथै कारखाना पूर्णरुपमा सञ्चालनमा आएसँगै अन्य हजारौं स्थानीयले पनि रोजगारी पाउनेछन् । साथै कम्पनीले सन् २०२४ को दोस्रो त्रैमासबाट उक्त कारखाना सञ्चालनमा ल्याउने लक्ष्य रहेको पनि बताएको छ ।
सामसुङ इलेक्ट्रोनिक्सका उपाध्यक्ष तथा सीईओ किनाम किमले उच्चतम उत्पादन क्षमताका साथ ग्राहकहरुको आवश्यकतालाई राम्रोसँग पूरा गर्ने र विश्व सेमिकन्डक्टर आपूर्ति श्रृंखलाको स्थायित्वमा पनि योगदान दिने एउटा नोटमा भनेका छन् ।
नयाँ कारखाना स्थापना गर्नका लागि टेक्सासको टेलर सहर छनोट गर्नुमा पनि विभिन्न पक्षहरू कारण रहेको कम्पनीले बताएको छ । उसले हाल अस्टिनमा रहेको उत्पादन केन्द्रसँगको निकटता, स्थानीय सेमिकन्डक्टर वातावरण तथा सरकारी सहयोग भएको बताएको छ ।
नयाँ उत्पादन कारखानाको क्षेत्रफल ५० लाख वर्गमिटर हुनेछ ।
पछिल्लो समय अमेरिका सरकारले सेमिकन्डक्टर उत्पादनलाई प्राथमिकता दिइरहेको समयमा कम्पनीको यस्तो भनाइ सार्वजनिक भएको हो । सीएनबीसी
पोखरा २६ भदौ । देशमा संघीयता लागू भएको ८ वर्षको अवधिमा गण्डकी प्रदेश सभामा पहिलो पटक नेकपा माओवादी केन्द्र प्रमुख प्रतिपक्ष छ । हिजो बसेको… 
पोखरा, २६ भदौ । साढे दुई महिनापछि गण्डकी प्रदेश सभाको बैठक बस्दा पनि सरकारले कुनै बिजनेस दिन नसकेको भन्दै प्रतिपक्ष दलले ‘सरकार नै बरोजगार’ भएको… 
पोखरा भदौ २६ । पोखराको प्रतिभा माविबाट १२ कक्षा उत्तीर्ण गरेर विभिन्न विश्वविद्यालयले लिएको स्नातकतहको प्रवेश परीक्षामा उत्कृष्टता हाँसिल गरेका विद्यार्थीलाई बुधबार विद्यालयले सम्मान गरेको… 
वाशिङटन डीसी । करिब ९० मिनेटसम्म चलेको राष्ट्रपतीय बहसमा कमला ह्यारिस र ट्रम्पले एक अर्काको नीतिको चर्को आलोचना गरेका थिए । ‘द एबीसी न्यूज प्रेसिडेन्सियल… 
