अमेरिकाका ३२ प्रतिशत बालबालिकामा फेरि कोरोना संक्रमण

-


     नेपालय न्युज    
     मंसिर ९ गते २०७८


कोराना महामारीबीच बन्द रहेको विद्यालय सञ्चालनमा आएपछि अमेरिकामा ३२ प्रतिशत बालबालिका पुनः संक्रमित भएका छन् ।

अमेरिकन एकेडमी अफ पीडियाट्रिक्सको रिपोर्ट अनुसार अमेरिकामा पछिल्लो साता एक तिहाइ बालबालिका संक्रमित भएका छन् । यही ११ देखि १८ नोभेम्बरसम्मको तथ्याङ्कअनुसार १ लाख ४१ हजार ९ सय ५ बालबालिका कोरोना संक्रमित भएका छन् ।

अमेरिकामा बालबालिकाको संख्या २२ प्रतिशत रहेकोमा ६८ लाख बालबालिका संक्रमित भइसकेका छन् । यद्यपि संक्रमणको दर भन्दा मृत्युदर भने न्यून रहेको तथ्याङ्कले देखाएको छ । संक्रमण बढ्न थालेपछि अभिभावकहरूले बालबालिकालाई विद्यालय पठाउन छाडेका छन् ।

यसैबीच कोरोना संक्रमित अधिकांश बालबालिकामा इन्फुल्एन्जा, मेनेन्जाइटिस, दादुरा, र हेपेटाएटिसको खोप धमाधम लगाउन थालिएको छ ।

अमेरिकामा कोरोनाका कारण हालसम्म ७ लाख ९८ हजार २ सय ४५ बढीको मृत्यु भइसकेको छ भने संक्रमित संख्या४ करोड ८९ लाख ७२ हजार ५ सय नाघिसकेको छ । एजेन्सी