कलम सहकारीको स्थापना दिवसको उपलक्ष्यमा रक्तदान कार्यक्रम

मनोहरि पौडेल, पोखरा १२ भदौ।

कलम बचत तथा ऋण सहकारी सस्थाँको १२अाै बार्षिक उत्सवको उपलक्ष्यमा आयोजित रक्तदान कार्यक्रममा ४४ युनिट रगत सकंलन भएको छ ।

नेपाल पुस्तक तथा स्टेशनरी ब्यवसायी महासंघ कास्की र कलम सहकारीको सयुत्त रूपमा आयोजित आठौ रक्तदान कार्यक्रमका प्रमुखअतिथी पोखरा महानगरपालिकाका सहकारी समितिका अध्यक्ष तेजनारायण अधिकारीले पहिलो रक्तदातालाई व्लड व्याग हस्तान्त्रण गरेर कार्यक्रमको सुभारम्भ गरेका थिए ।

रक्तदान कार्यक्रममा वोल्दै अधिकारीले कलम सहकारीले अहिलेको विषम परिस्थितिमा पनि यस्तो पुन्य काम गरेकोमा धन्यवाद दिदैसहकारी सस्थाहरुले विभिन्न समयमा सामाजिक उतरदाहित्वका कामहरु गरिरहेको बताए । कलम वचत तथा ऋण सहकारी संस्थाकाअध्यक्ष अर्जुन प्रसाद पोखरेलले कोरोनाको यो महामारीको अवस्थामा रगतको चरम अभाव भएको र यति बेला दुर्घटना तथा शल्यक्रिया, प्रसूति लगायतका आपत्कालीन उपचार चाहिने बिरामी रगत नपाएकै कारण जीवन र मरणको अवस्थामा अस्पतालको शय्यामा छटपटाइ रहेका अवस्थामा सहकारीले रक्तदान कार्यक्रम राखेको बताए ।

सहकारीका अध्यक्ष अर्जुन पोखरेलको सभापतित्वमा सम्पन्न उक्त कार्यक्रममा स्वागत मन्तव्य नेपाल पुस्तक तथा स्टेशनरी ब्यवसायी महासंघ कास्कीका अध्यक्ष तथा कार्यक्रम संयोजक बैकुण्ठ पौडेलले गरेका थिए । नेपाल पुस्तक तथा स्टेशनरी ब्यवसायी महासंघकास्कीका सचिव प्रकाश बास्तोलाले सन्चालन गरेको उक्त कार्यक्रममा रक्तदाताहरूलाई सहकारीका अध्यक्ष अर्जुन पोखरेल र सचिवराजेन्द्र घिमिरेले मायाको चिनो र प्रमाणपत्र प्रदान गरेका थिए ।

कार्यक्रममा रक्त संचार केन्द्र पोखराले प्राविधिक सयोग गरेको थियो ।