भदाै १८ सम्म कास्कीमा निषेधाज्ञा, सवारी साधनमा जोर-बिजोर

पोखरा । कास्की प्रशासनले जिल्लामा जारी गरेको निषेधाज्ञाको समय एक साता थप गरेको छ ।

भदौ १० गते राति १२ बजेबाट भदौ १८ गते राति १२ बजेसम्म निषेधाज्ञा थप गरिएको छ । जिल्लाभर सञ्चालन हुने सार्वजनिक तथा निजी सवारीसाधनमा यसअघि भदाै ३ गते जारी निषेधाज्ञामा जस्तै जोर-बिजोर प्रणाली लागू गरिएको छ ।

यससँगै जोर गते जोर नम्बरका सवारीसाधन तथा बिजोर गते बिजोर नम्बरका सवारीसाधन सञ्चालन हुने भएका छन् । अत्यावश्यक सेवाका सवारीसाधनमा भने जोर-बिजोर प्रणाली लागू नहुने प्रशासनले जनाएको छ ।

जिल्लामा यसअघि निषेधाज्ञा जारी गरि बन्द रहेका सेवा व्यवसायहरुमा पुन: एक साता बन्देज लगाइएको छ ।

विद्यालयमा भौतिक उपस्थितिमा कक्षा सञ्चालन नगर्न र पुर्व निर्धारित बाहेकका परिक्षा सञ्चालन नगर्न भनिएको छ । मानिसहरु भिडभाड गर्न र सभा जुलुस गर्न पनि रोक लगाइएको छ ।

पुर्व निर्धारित बैबाहिक कार्यक्रम भने आफ्नै घर परिसरमा १५ जना मात्र सामेल भइ गर्न सकिने प्रशासनले जनाएको छ ।