तनहुँमा भदौ ७ गतेसम्म लम्बियो निषेधाज्ञा

भदौ १, तनहुँ । तनहुँमा पुनः निषेधाज्ञा आदेश जारी गरिएको छ । प्रमुख जिल्ला अधिकारी सागर आचार्यले मंगलवारदेखि भदौ ७ गतेसम्मका लागि सो आदेश जारी गरेका हुन् ।

जिल्ला कोभिड व्यवस्थापन समितिको आइतवार बसेको बैठकले कोरोनाको जोखिम अझै कायमै रहेको जनाउँदै यसअघि जारी निषेधाज्ञालाई निरन्तरता दिन सिफारिस गरेको थियो ।

कोभिड संकट व्यवस्थापन समितिका संयोजक आचार्यले थपिएको निषेधाज्ञा पहिलाको भन्दा कडा हुने र उल्लंघन गर्नेलाई जरिवाना गरिने बताए ।

पसल खोल्ने समय अहिले घटाएर बिहान ५ देखि १० बजेसम्म मात्रै खोल्न र व्यवसाय बिहान ११ बजेदेखि ६ बजेसम्म सञ्चालन गर्न दिइने तर अन्य क्रियाकलापमा भने पूर्णरूपमा प्रतिबन्ध लगाइएकोे छ ।

जिल्लामा दिनदिनै कोरोना संक्रमित बढ्दै गएका र अहिले सक्रिय संक्रमितको संख्या ४७६ पुगेको छ । वैशाखदेखि यता चार हजार ६९७ जनामा संक्रमण पुष्टि भएकामा चार हजार १२२ निको भएका र ९९ को मृत्यु भएको छ । रासस