भारतीय सेनामा नेपाली महिलाको भर्तीको मुद्दा आजकाल नेपालमा चर्चाको विषय बनेको छ ।
यस्तो काठमाडौंस्थित भारतीय दूतावासको वेलफेयर ब्रान्चको एउटा सूचना सोसल मिडियामा भाइरल भएपछि भएको हो ।
यसपछि यो सूचना अनलाइन मिडियामा निकै छायो । नेपालका नेता र जानकारले पनि यसबारे विभिन्न प्रतिक्रिया दिए ।
यद्यपि, भारतीय सेनाले पछि यसमा संसोधन गर्दै यो भर्ती नेपाली महिलाका लागि नभएको बतायो ।
के थियो विज्ञापन ?
भारतीय सेनाले २८ मेमा सय महिला सैनिक भर्ती गर्ने घोषणा गर्यो । यो जानकारी भारतीय सेनाको ज्वाइन इन्डियन आर्मी वेबसाइटमा चार जूनमा साझा गरियो । यसमा शैक्षिक योग्यतामा सबै गोरखा (नेपाली र भारतीय) का लागि १० कक्षा पास हुनुपर्ने बताइयो ।
भर्ती सम्बन्धि जानकारीको विवरण अनुसार १० कक्षा पास नेपाली महिलाको नियुक्ति भारतीय सेनामा हुनसक्नेछ ।
यो विज्ञापन नेपालमा त्यतिबेला चर्चा भयो जब यसलाई नेपाली भाषामा अनुवाद गरेर सोसल मिडियामा सेयर गरियो । यो सेयर गर्नेहरुमा भूपू परिवार नामको एउटा फेसबुक पेज पनि छ । यो फेसबुक पेजका सदस्य पूर्व भारतीय गोरखा हुन् ।
उक्त सूचनामा नेपाली महिलालाई यो आवेदनका लागि अनुमति छ भनिएको छैन तर शैक्षिक विवरणको स्थानमा १० कक्षा पास नेपाली गोरखा महिलाबारे पनि कुरा गरिएको छ ।
यद्यपि, यो जानकारी अब भूपू परिवारको पेजमा छैन ।
यो जानकारी त्यतिबेला सोसल मिडियामा भाइरल हुन थाल्यो जब मानिसहरुले सोसल मिडियामा नेपालको जानकारी बिना भारतीय सेनाले नेपाली महिलालाई नियुक्त गर्न लागेको बताइयो ।
यद्यपि, कतिले यसलाई नेपाली महिलाका लागि अवसरको रुपमा पनि पेश गरे ।
तालिम सेन्टरले गरे प्रचारः
अनलाइन मिडिया र सोसल मिडियामा जानकारी फैलिएपछि गोरखा रेजिमेन्टमा बहालीका लागि युवालाई तयार पार्ने प्रशिक्षण केन्द्रले पनि यसको प्रचार गरे ।
तालिम सेन्टर चलाउनेहरुले विश्वसनीय फेसबुक पेज र अनलाइन न्यूज माध्यममा खबर देखेपछि आफूहरुले प्रचार गरेको बताए ।
बुटबलस्थित क्रश फायर गोरखा तालिम सेन्टरका निर्देशक पवन शाह ठाकुरीले आफूले यो विज्ञापनलाई भारतीय सेनाको वेबसाइटमा गएर हेरेको र त्यहाँ नेपाली महिला पनि यसमा भर्ती हुनसक्ने जानकारी दिइएपछि आफूले पनि यसबारे विज्ञापन दिएको बताए ।
सोसल मिडियामा विरोधः
यो खबरको नेपालमा भारी विरोध पनि देखियो र मानिसहरुले यसलाई भारतको अनुचित कदम बताउँदै यसबारे आफूहरुलाई केही पनि जानकारी नभएको बताए ।
एमाले नेता भीम रावलले भारतको यो कदम सम्झौताको उल्लंघन भएको बताए ।
यस्तै एमालेका अर्का नेता विजय पौडेलले पनि नेपालीहरुलाई विदेशी सेनामा भर्नो गर्ने प्रणालीमा रोक लगाउनुपर्ने बताए ।एजेन्सी
पोखरा असोज २ । सोह्र श्राद्ध अर्थात् पितृ पक्ष आजदेखि आरम्भ भएको छ । प्रत्येक वर्ष आश्विन कृष्ण प्रतिपदादेखि सुरु हुने गर्दछ । प्रतिपदा तिथि… 
पोखरा १ असोज । आज विश्वकर्मा जयन्ती । हरेक वर्ष कन्या संक्रान्तिको दिनमा अर्थात अजोज १ गते विश्वकर्मा पूजा गरी मनाइँदैछ । यो दिन भगवान… 
काठमाडौं भदौ ३१ । स्थानीय तहमा भ्रष्टाचार बढ्दै गएको तथ्यांकले देखाएको छ । भ्रष्टाचार नियन्त्रणका लागि भूमिका पाएको संवैधानिक निकाय अख्तियार दुरुपयोग अनुसन्धान आयोगले दर्ता… 
पोखरा ३१ भदौं । नेपाल आयल निगमले पेट्रोलिय पदार्थको मूल्य घटाएको छ । आइतबार साँझ बसेको नियम सञ्चालक समितिको बैठकले पेट्रोल, डिजल र मट्टीतेलको मूल्य… 
