अमेरिकी नोभाभ्याक्सद्वारा निर्माण गरिएको खोप ९०.४ प्रतिशत प्रभावकारी भएको घोषणा

अमेरिकामा अर्को खुसीको खबर आएको छ । अमेरिकी बायोटेन्लोजी कम्पनी नोभाभ्याक्सले अनुसन्धान गरि निर्माण गरेको कोरोना बिरुद्ध खोप परीक्षणमा ९०.४ प्रतिशत प्रभावकारी भएको घोषणा गरेको छ । उक्त फर्मास्युटिकल प्रतिष्ठानले अमेरिका र मेक्सिकोमा गरेको तेश्रो चरणको परीक्षणमा उक्त नतिजा आएको जनाएको छ ।

नोभाभ्याक्सले सोमबार जुन १४ का दिन उक्त जानकारी गराएको छ । उक्त प्रतिष्ठानले अझ अतिरिक्त विश्लेषण भै रहेको जनाउदै यसको समीक्षाको लागि पत्रिकाहरूमा पेश गरिने जनाएको छ ।

नोभाभाक्सका लागि अनुसन्धान तथा विकासका अध्यक्ष डा ग्रेगरी ग्लेनले यो परीक्षण परिणाम र सुरक्षा रुपरेखासँग मिल्दोजुल्दो छ जुन बेलायतमा गरिएको चरण ३ को परीक्षणमा देखाइएको थियो भनेका छन् ।
“फरक महाद्वीप, फरक जनसंख्या, विभिन्न भाइरस वरिपरि चलायमान र हामी अझै पनि साँच्चै राम्रो प्रभावकारिता देख्छौं,” ग्लेनले भने।

यो अध्ययन गत डिसेम्बरमा शुरू गरिएको र संयुक्त राज्य अमेरिकामा र मेक्सिकोमा २९,९६० जना वयस्कहरु लाई ११३ स्थानमा परीक्षण गरिएको थियो ।
केही सहभागीहरूलाई प्लेसबो दिइयो र केहीलाई नोभाभाक्स खोप २१ दिनको अन्तरालमा दुई खुराक दिइएको प्रतिष्ठानले जनाएको छ ।

कम्पनी(प्रतिष्ठान)ले यो खोप “सामान्यतया राम्रोसँग सहिष्णु” रहेको र सामान्य प्रतिकूल असर ३ दिन भन्दा भन्दा पनि कम समय सम्म रहने ,थकान, टाउको दुख्ने र मांसपेशीको दुखाई दुई दिन भन्दा पनि कम समय सम्मिलित रहेको बताएको छ।

नोभाभाक्सका अनुसार अध्ययनका क्रममा सहभागीहरु मध्ये ७७ जना कोभिड संक्रमित परीक्षणमा सहभागी जनाएका थिए ६३ जना प्लेसबो(प्रयोगिक औषध)) समूहमा राखिएको थियो । १४ जनालाई खोप समूहमा राखिएको जनाएको छ ।

कम्पनीले यो खोप समूहमा सबै परीक्षण मध्यम रहेको उल्लेख गरेका छन् भने प्लेसबो(प्रयोगिक औषध) समूहमा १० मध्यम र ४ गम्भीर समस्याहरू रहेका थिए ।

नोभाभाक्सका अनुसार मध्यम वा गम्भीर रोगको बिरूद्ध १००% खोप प्रभावकारिता प्रदर्शन गरेका छन् भनि सिएनएनले समाचार प्रकाशित गरेको छ । एजेन्सी