अमेरिकास्थित न्याकको अध्यक्षमा चिकित्सक मदन उप्रेती निर्वाचित

-


     नेपालय न्युज    
     जेठ २५ गते २०७८


अमेरिका

अमेरिकाको डिसी महानगर क्षेत्रमा स्थापित नेपाली अमेरिकन सामुदायिक केन्द्र (न्याक)को अध्यक्ष पदमा चिकित्सक मदन उप्रेती(डा)निर्वाचित भएका छन् । साथै उनको नेतृत्वमा सर्वसम्मतिबाट एघार सदस्यीय समिति समेत गठन भएको छ ।

यसै गरि ११ सदस्यीय बोर्ड अफ ट्रस्टी (गुठी समिति)समेत गठन भएको छ । गुठीको सभापतिमा अरुण रुपाखेती निर्वाचित भएका छन् । नेपाली अमेरिकन सामुदायिक केन्द्र (न्याक)सन् २०१९ मा मात्र स्थापना भएको सामुदायिक केन्द्र हो ।

अन्तिम समयमा निर्वाचन सुरु हुनु भन्दा एक घण्टा अगाडी मात्र सर्वसम्मतिमा पुग्न सफल भै निर्वाचन प्रक्रिया नै स्थगित अर्थात बिधुतिय प्रणालीको माध्यमबाट तयारी अवस्थामा रहेको बिदेशी प्रतिष्ठानलाई रोक्न आदेश दिनु परेको थियो । निर्वाचन जुन ७ –८ का दिन देखि मतदान हुने पूर्व सूचनालाई स्थगित गर्दै निर्वाचन समितिले बिजयी हुने उम्मेदवारहरुको नाम सार्वजनिक गरेका थिए ।

निर्वाचन समितिका प्रमुख डा श्याम कार्कीले सबै पदमा सर्वसम्मति भएकोमा खुशी व्यक्त गर्दै समितिलाई धन्यवाद दिए भने निर्वाचित हुने सबैलाई बधाई तथा शुभकामना दिएका छन् ।

जुन ७ का दिन सर्वसम्मतिमा कार्यकारी समिति तथा बोर्ड अफ ट्रस्टी ( गुठि समिति )का उम्मेदवारहरू निर्विरोध निर्वाचित हुन् सफल भएका छन् ।

कार्यकारी समितिमा निर्वाचित हुनेहरुमा क्रमश: अध्यक्षमा चिकित्सक मदन उप्रेती(डा) ,वरिष्ठ उपाध्यक्षमा अभियन्ता (इन्जीनियर)ठाकुर ढकाल,उपाध्यक्षमा बिना खड्का लामा ,महासचिवमा डा लेखनाथ अधिकारी ,कोषाध्यक्षमा केशव बराल तथा उप कोषाध्यक्षमा हरि पुडासैनी बिजयी भएका छन् ।

यसै गरि कार्यकारी समितिको सदस्यहरूमा क्रमस प्रेम पौडेल ,तोया पौडेल,गुणराज लुइँटेल।,प्रज्ञान आचार्य तथा लक्ष्मी शर्मा निर्वाचित भएका छन् । यसै गरि संस्थाको लेखा बिभाग र आर्थिक पक्षलाई चुस्त र दुरुस्त राख्न लेखा समिति सदस्यहरूमा राजन अधिकारी तथा ग्रिष्म दाहाल निर्वाचित भएका छन् ।

बोर्ड अफ ट्रस्टी( गुठि समिति )का उम्मेदवारहरू निर्विरोध निर्वाचित हुनेहरुमा सभापतिमा अरुण रुपाखेती,उप सभापतिमा टिका मैनाली तथा सचिवमा पुरुषोत्तम सुवेदी रहेका छन् ।

यसैगरी गुठि सदस्यहरूमा गोपाल रेग्मी ,प्रेम संग्रौला,चिकित्सक गुणराज सुवेदी,परशुराम भण्डारी ,तारानाथ पोखरेल तथा मेदिनी अधिकारी निर्वाचित भएका छन् ।

निर्वाचनलाई सम्पन्न गर्न अभिभारा लिने र अहोरात्र खट्ने निर्वाचन समितिको प्रमुखमा चिकित्सक श्याम कार्की,प्रा डा गोपी उप्रेती (विद्यावारिधि) प्रभा देउजा भट्टराई, राजीब मैनाली तथा सबिना खनालले नतिजा सार्वजनिक गर्नु अगाडी बोलेका थिए ।

सन् २०१९ मा सप्‍ताह कार्यक्रम मार्फत २० लाख डलर सङ्कलन गरि त्यसको लगत्तै एक बर्ष भित्र आफ्नै भवन किन्न सफल भएको सामुदायिक केन्द्र हो ।

२० लाख डलर मध्ये १ लाख सप्‍ताह कार्यक्रममै नगद संकलन गर्न सफल भएको थियो भने १० लाख प्रतिबद्धता जाहेर गरेका थिए । स्मरण रहोस् ,मुलुक बाहिर योजना थालनी गरेको १ बर्ष भित्रमै सामुदायिक केन्द्र खरिद गर्न १७ लाख डलर नगद हस्तान्तरण गरि आफ्नै भवन किन्न सफल यो सामुदायिक केन्द्र यत्रो लगानी गर्ने सम्भवत पहिलो हो । एजेन्सी

WP2Social Auto Publish Powered By : XYZScripts.com